ينهااااار ………ينهاااااار
سمعتم أخر الاخبار
بيقولوا تعمير جوز اصلاح
مش لقينه فى اى مكان
يا عينى عليكى يا اختى يا إصلاح
من غير تعمير الدنيا براح
لا في انجاز ولا بوتاجاز
وبيقولو الغاز هايبقى فى مواسير
وفى كل شارع نازلين فاحتين
بيقولو شفافيه بنت هنيه
الاهل شافوها ماشيه بحنيه
مع الواد ديموقراطيه
عملوا اعلان فى كل مكان
اصل من يومها راحت ولا جات
بيقولوا تعليم خبطيته عربيه
وتاهمين فيه شباب الكليه
بقولوا صايع وكمان ضايع
قالوا السبب في العربيه
ماشيه بسرعه مليون على ميه
ـــــــــــــــــــــــــــــــــــــــــــــــــــــــــ
التصنيفات : غير مصنف |
